Jekh magazin ki Romani čhib

AMEN PISINAJA ODIJA ČHIB SAR SO VAČERAJA ČHERE!

Projekti bizo profiti

O Magazin Rom tano jekh kvartalno hem badihava internet-magazin. Amaro fokus tane o Roma, a amari primarno idea tani te vazda e Romengoro interes e čitibase. O teme ko magazin šaj te oven kultura, integracia, svakodivesoro đandipe, informacia, muzika, sastipe, ajgara, nevipe, historia, kariera… O Magazin Rom ka ovel jekh forum kuri o Roma kotar celo sveto šaj te diskutirinen razna teme, te vačeren jekh važno informacia, te reklamirinen pe… Znači o magazin ka barjol hem ka asimilirini pe premalo e Romengere kritike hem premalo e Romengoro čefi! Amen momentalno pisinaja ko Arli dialekti, ama phravde hijam hem dijekhvar te publicirina artiklia ko avera Romane dialektia.

 

O moto kotar o magazin tano te pisini pe odija čhib sar so vačeri pe čhere!

 

Zalo amari Romani čhib, jekh artikli ka pisina ki Švedsko čhib, sebepi amen o Roma kokri mangaja te bičhala i korektno informacia kotar e Romengiri historia, čhib, kultura, adetia… Ađahare mangaja te probina te perava o stereopitia hem te čhinava i diskriminacia premalo Roma ko avdisutno društvo. Đi akana but gađe pisije, vačerđe, prezentirinđe hem đilabđe kotar o Roma, ama retko keda ikljislo hine ko šukar. Amari filozofia tani, so niko na penđari pošukar e Rome kotar o Rom!

 

O Magazin Rom tano bizo profiti! Iniciativa te čerel pe jekh esavko projekti ljelja o Sead Šerifi – Sejo. Ov kontaktirinđa fantastična manušen kola bizo problemi prihvatinđe akava izazov. Sarinenđe sviđisalji akija idea hem sarine prihvatinđe te pisinen badihava, bizo pare!

 

Ako isi tumen disavo pučibe, idea ja komentari pisinen amanđe ko info@magazinrom.com

REDAKCIA KO MAGAZIN ROM

Sead Šerifi

Sead Šerifi - Sejo

sead.serifi@magazinrom.com

Mirsad Šerifi - Mišo

mirsad.sherifi@magazinrom.com

Brima Gudinci

brima.gudinci@magazinrom.com

Dennis A. Demirovic - Pipi

dennis.demirovic@magazinrom.com

Ilija Rajkovic - Icko

ilija.rajkovic@magazinrom.com

Emran Murina

emran.murina@magazinrom.com

- Isi tut jekh šuži idea

- Pisijan jekh šužo artikli ki škola hem mangeja te ovel publicirimo

- Mangeja hem tu te ove amencar ki redakcia

- Mangeja te mukhe jekh reklama ko magazin

 

kontaktirin amen ko:

info@magazinrom.com

Facebook Magayin Rom ikona
Arli center ikona

info@magazinrom.com

Copyright @ All Rights Reserved

Arli kunskapscenter

NOTIFIKACIA!!!

Celo projekti "Magazin Rom" finansirinđa o Sead Šerifi - Sejo.